ஐ.எம்.எப் இன் இரண்டாவது தவணைக் கடனை பெற்றுக்கொள்ள சாதகமான பேச்சு

Ranil Wickremesinghe Shehan Semasinghe Sri Lanka Sri Lankan Peoples IMF Sri Lanka

By Dhilak Sep 28, 2023 12:24 PM GMT

Dhilak

in அரசியல்

Report

சர்வதேச நாணய நிதியத்தின் இரண்டாவது தவணையை பெற்றுக்கொள்வதற்கான பேச்சுவார்த்தைகள் சாதகமான மட்டத்தில் இருப்பதாகவும், அரசாங்கம் முன்னெடுத்துள்ள பொருளாதார சீர்திருத்த செயற்பாடுகள் சர்வதேச நாணய நிதியத்தினால் மதிப்பீடு செய்யப்பட்டு வருவதாகவும் பதில் நிதியமைச்சர் ஷெஹான் சேமசிங்க தெரிவித்துள்ளார்.

நிலையான நாட்டிற்கு ஒரு வழி என்ற தொனிப்பொருளில் இன்று (28) அதிபர் ஊடக மையத்தில் நடைபெற்ற செய்தியாளர் மாநாட்டில் கலந்து கொண்டபோதே பதில் நிதியமைச்சர் இதனைக் குறிப்பிட்டார்.

இது தொடர்பாக மேலும் அவர் கூறுகையில், “அதிபர் ரணில் விக்ரமசிங்க இலங்கை வந்துள்ள சர்வதேச நாணய நிதியக் குழுவுடன் முக்கிய கலந்துரையாடல் ஒன்றை நடத்தினார்.

மேலதிக கலந்துரையாடல்

இலங்கையின் தற்போதைய பொருளாதார நிலைமை குறித்து அவர்கள் விசேட மதிப்பீடு ஒன்றை மேற்கொண்டனர். இலங்கையில் பொருளாதார மீட்சியை ஏற்படுத்துவதற்காக இதுவரை மேற்கொள்ளப்பட்ட சீர்திருத்தங்கள் அவர்களின் சிறப்பான பாராட்டைப் பெற்றுள்ளன.

ஐ.எம்.எப் இன் இரண்டாவது தவணைக் கடனை பெற்றுக்கொள்ள சாதகமான பேச்சு | Imf S Second Tranche Positive Finance Minister

எனவே, சர்வதேச நாணய நிதியத்தின் இரண்டாவது தவணையைப் பெறுவதற்கு ஊழியர் ஒப்பந்தம் எட்டப்பட வேண்டும். அதிபர் ரணில் விக்ரமசிங்க ஜேர்மனி விஜயத்தை முடித்துக் கொண்டு இலங்கை திரும்பியதும் ஊழியர் உடன்படிக்கையை பெற்றுக்கொள்வதற்கான பேச்சுவார்த்தைகள் மேற்கொள்ளப்படும் என எதிர்பார்க்கப்படுகிறது.

அத்துடன் அதிபர் தலைமையில் அவர்களுடன் மேலதிக கலந்துரையாடல்களும் இடம்பெறவுள்ளன.

சர்வதேச நாணய நிதியக் குழு இலங்கையின் தற்போதைய நிதி நிலைமை குறித்து சாதகமான மீளாய்வு செய்துள்ளது. ஊழியர்கள் உடன்படிக்கையை எட்டிய பிறகு, எதிர்கால பணிகள் வலுவாக தொடர முடியும் என்று நாங்கள் நம்புகிறோம்.

வெளிநாட்டு கடன்கள்

கடந்த வருடத்துடன் ஒப்பிடும் போது இந்நாட்டின் அரச வருமானம் 43 வீத வளர்ச்சியைக் காட்டியுள்ளது. அரசின் வருவாயை உயர்த்துவதில் வரி வசூல் செயல்முறை மிகவும் முக்கியமானது.

தற்போதைய வரி வலையமைப்பில் குழுவைத் தவிர, வரி செலுத்த வேண்டிய மக்கள் மீதும் கவனம் செலுத்தப்படுகிறது. சர்வதேச நாணய நிதியத்தின் கவனமும் இந்த நாட்டில் அரசாங்கத்தின் வரி வருமானம் தொடர்பில் கவனம் செலுத்தப்பட்டுள்ளது.

மேலும், புதிய பொருளாதார சீர்திருத்தங்களை மேற்கொள்வதில் இந்நாட்டு மக்கள் செயற்படும் விதம் சர்வதேச நாணய நிதியத்தால் பாராட்டப்பட்டுள்ளது.

அத்துடன் உள்ளூர் கடனை மேம்படுத்தும் திட்டம் இதுவரை ஏறத்தாழ நிறைவடைந்துள்ளது, வெளிநாட்டு கடன்கள் தொடர்பான விவாதங்கள் அனைத்து கடன் வழங்குநர்களுடனும் ஏற்கனவே நடந்து வருகின்றன” என்றார்.