சவுதி பெண்ணை மன்னித்த இலங்கை தமிழர் அனோஜனை மன்னிக்கவேண்டும் சவுதி இளவரசர் : மனோ கணேசன் உருக்கமான கோரிக்கை

சவூதியில் மரண தண்டனையை எதிர்கொண்டுள்ள இலங்கை நாட்டவரான அனோஜன் சிவராசாவிற்கு மன்னிப்பு வழங்குமாறு, சவூதி இளவரசரும் பிரதமருமான முகமது பின் சல்மானிடம் தமிழ் முற்போக்குக் கூட்டணியின் (TPA) தலைவர் மனோ கணேசன் கோரிக்கை விடுத்துள்ளார்.

மனிதாபிமான அடிப்படையில் இந்தக் கோரிக்கையை முன்வைத்த மனோ கணேசன், ஏறக்குறைய இரண்டு தசாப்தங்களுக்கு முன்னர் நடந்த ஒரு சம்பவத்தையும் நினைவுபடுத்தினார்.

 இது தொடர்பாக'எக்ஸ்' (X) தளத்தில் மனோ கணேசன் கூறியதாவது:

சவுதி பெண்ணை மன்னித்த இலங்கை தமிழர்

சவூதியில் கொல்லப்பட்ட ராஜமணி என்ற பெண்ணை அவரது கணவர் சகாதேவன் இழந்தார். அப்பெண்ணின் மரணத்திற்குப் பொறுப்பானவர் எனக் கருதப்பட்ட சவூதிப் பெண் ஒருவருக்கு பின்னர் மரண தண்டனை விதிக்கப்பட்டது. இருப்பினும், அந்தப் பெண்ணின் குழந்தைகளின் நலன் கருதி, சகாதேவன் அவரை மன்னிக்க முன்வந்தார்; இதன் மூலம் அப்பெண் மரண தண்டனையிலிருந்து காப்பாற்றப்பட்டார்.

🇱🇰🇸🇦 An Appeal to H.R.H. Mohammed bin Salman.

Lankan journalist #SivaKumaran of #ENCL has brought following incident occured nearly two decades ago;

A Sri Lankan husband, Sahadevan, lost his wife Rajamani after she was killed in Saudi Arabia. When the Saudi woman responsible… pic.twitter.com/vrGq1APRN5

— Mano Ganesan (@ManoGanesan) September 30, 2026

அனோஜன் சிவராசாவின் வழக்கைக் குறிப்பிட்டு, அதே போன்றதொரு கருணை மற்றும் இரக்க உணர்வை இந்த இலங்கை நாட்டவர் மீதும் காட்டுமாறு சவூதி இளவரசரிடம் மனோ கணேசன் வேண்டுகோள் விடுத்தார்.

சவுதி அரேபியாவில் தண்டனைக்கு உள்ளாகியுள்ள அனோஜன் : எடுக்கப்பட்டுள்ள நடவடிக்கை

இலங்கை மகனையும் சவுதி மன்னிக்கவேண்டும்

"ஒரு காலத்தில் இலங்கை குடும்பம் ஒன்று சவூதித் தாய் ஒருவரை மன்னித்தது. இப்போது சவூதி அரபு நாடும் இலங்கை மகன் ஒருவரின் மீது கருணை காட்டட்டும்," என்று மனோ கணேசன் கூறினார்.

மனிதாபிமானம், கருணை, இரக்கம் மற்றும் உயிரைப் பாதுகாத்தல் ஆகிய விழுமியங்களின் அடிப்படையில் இந்தக் கோரிக்கை விடுக்கப்படுவதாக அவர் தெரிவித்தார்.

நாமல் ராஜபக்‌ஷவுக்கு ஒரு வழக்கிற்கு வழங்கப்பட்ட உத்தரவு