விளம்பரத்திற்காக நஞ்சாக்கப்படும் தமிழ் தேசியம்...! காழ்ப்புணர்ச்சி அரசியலைத் தோலுரிக்கும் கருணாநிதி

சமகால ஜனநாயக அரசியல் சூழலில் மாற்று அரசியல் தலைவர்கள் மீதான எதிர்ப்பு என்பது கொள்கை ரீதியான விவாதங்களைக் கடந்து மிக ஆபத்தான தனிநபர் வன்முறை அச்சுறுத்தலாக மாறிவருகிறது.

அந்த வகையில், நாம் தமிழர் கட்சியின் தலைமை ஒருங்கிணைப்பாளர் சீமான் மீதான அரசியல் எதிர்ப்பின் உச்சமாக, தான் இந்தியாவுக்கு சென்றபோது துப்பாக்கியை கொண்டு செல்ல முடிந்திருந்தால் அங்குவைத்து சீமானை சுட்டிருப்பேன் என இலங்கை நாடாளுமன்றத்தில் இராமநாதன் அர்ச்சுனா முன்வைத்த வன்முறைப் பேச்சு, சமகால அரசியல் பண்பாட்டின் வீழ்ச்சியையும் ஜனநாயக மீறலையும் அப்பட்டமாகத் தோலுரித்துக் காட்டுகிறது.

இந்த நிலையில், சட்டங்களை இயற்ற வேண்டிய நாடாளுமன்றத்தின் உள்ளேயே ஒரு மாற்றுத் தலைவரை நோக்கி சுடுவேன் என்று பகிரங்கமாக மிரட்டல் விடுப்பது ஒரு மக்கள் பிரதிநிதியின் பொறுப்பற்ற தனத்தையும் வன்முறை அரசியலையும் காட்டுவதாகத் தொடர்ச்சியான விமர்சனங்கள் எழுந்துள்ளன.

சீமானை அரசியல் ரீதியாகவும் தர்க்க ரீதியாகவும் எதிர்கொள்ள முடியாத காழ்ப்புணர்ச்சியின் காரணமாக அவருக்கு எதிராக ஆயுத அச்சுறுத்தலையும் அவதூறுகளையும் மட்டுமே முதன்மை ஆயுதமாக அர்ச்சுனா போன்றவர்கள் கையில் எடுப்பதாக மக்கள் கடுமையாக விமர்சித்து வருகின்றனர்.

கொள்கைகள், மக்கள் நலன், பிராந்திய அரசியல் சார்ந்த அறிவுப்பூர்வமான விவாதங்களை விடுத்து தனிநபர் மீதான அச்சுறுத்தலைப் பொதுவெளியில் பேசுவது ஆரோக்கியமான அரசியல் சூழலை நஞ்சாக்குகிறது.

சீமான் மீதான தங்களின் தனிப்பட்ட கோபத்திற்காகவும் உள்ளூர் அரசியல் விளம்பரத்திற்காகவும் வன்முறையைத் தூண்டும் வகையில் பேசிப் பொதுமக்களைத் திசைதிருப்பும் ஒரு போக்கு இதில் வெளிப்படுகிறது.

அரசியல் ரீதியான விமர்சனங்களும் எதிர்ப்புகளும் நாகரிகமான முறையிலும் கொள்கை சார்ந்தும் மட்டுமே முன்வைக்கப்பட வேண்டும்.

அதை விடுத்து, சீமான் மீதான அரசியல் எதிர்ப்பைக் காட்டுவதற்காக நாடாளுமன்றத்திலேயே வன்முறையை ஏவுவதும் சுடுவேன் என்று அச்சுறுத்துவதும் ஒட்டுமொத்த ஜனநாயக அமைப்பிற்கே அச்சுறுத்தலாகும்.

இத்தகைய வன்முறை அரசியல், நடுநிலையான பொதுமக்களாலும் அறிவுலகத்தாலும் முற்றிலுமாக நிராகரிக்கப்பட்டு கடுமையான விமர்சனத்திற்கு உள்ளாக்கப்பட்டு வருகின்ற நிலையில் இது குறித்து எமது தலைமுறைக் கட்சியின் தலைவர் சிதம்பரம் கருணாநிதியும் தனது அதிருப்தியை வெளிப்படுத்தியுள்ளார்.

இந்த நிலையில் அவர் தெரிவித்த மேலதிக கருத்துக்களுடன் வருகின்றது கீழ்க்காணும் நேர்காணல்...

இஸ்ரேலுக்கு பலத்த அடி கொடுத்த நெதர்லாந்து! சட்டவிரோதக் குடியேற்றப் பொருட்களுக்கு அதிரடித் தடை

ஈரான் விவகாரத்தின் எதிரொலி...! நேட்டோ மீது டொனால்ட் ட்ரம்ப் பாய்ச்சல்

நீளமான மற்றும் அடர்த்தியான கூந்தலுக்கு...! 7 மூலிகைகள் கலந்த ஆயுர்வேத எண்ணெய்