அரச சேவையில் ஒரு இலட்சத்திற்கு மேற்பட்டோர் ஆட்சேர்ப்பு : அமைச்சர் தெரிவிப்பு
2026ஆம் ஆண்டில் அரச சேவையில் நிலவும் வெற்றிடங்களை நிரப்புவதற்காக 1.2 இலட்சத்துக்கும் மேற்பட்டோரை ஆட்சேர்ப்பு செய்யும் விரிவான வேலைத்திட்டம் ஆரம்பிக்கப்பட்டுள்ளதாக பொது நிர்வாக அமைச்சர் சந்தன அபேரத்ன தெரிவித்துள்ளார்.
கல்வி, சுகாதாரம், விவசாயம் உள்ளிட்ட அரச துறைகளில் நிலவும் வெற்றிடங்களை நிரப்பும் வகையில் இந்த ஆட்சேர்ப்பு நடவடிக்கை முன்னெடுக்கப்படுவதாக அமைச்சர் தெரிவித்துள்ளார்.
இதன்படி, சுமார் 30,000 ஆசிரியர்களை ஆட்சேர்ப்பு செய்ய திட்டமிடப்பட்டுள்ளதுடன், இதற்கான போட்டிப் பரீட்சை விரைவில் நடத்தப்படவுள்ளது.
ஆட்சேர்ப்பு நடவடிக்கை
பரீட்சையில் தகுதி பெறுவோர் பின்னர் நேர்முகத் தேர்வுக்கு அழைக்கப்படவுள்ளனர்.
மேலும், 1,500க்கும் மேற்பட்ட கிராம உத்தியோகத்தர்களை ஆட்சேர்ப்பு செய்வதற்கான நடவடிக்கைகள் இறுதிக்கட்டத்தை அடைந்துள்ளன.
அவர்களுக்கான பரீட்சை மற்றும் நேர்முகத் தேர்வுகள் நிறைவடைந்துள்ள நிலையில், வெற்றியாளர்களுக்கு நியமனக் கடிதங்களை வழங்குவதற்கான நடவடிக்கைகள் முன்னெடுக்கப்பட்டு வருகின்றன.
சுகாதாரம் மற்றும் விவசாயம் உள்ளிட்ட ஏனைய அரச துறைகளிலும் நிலவும் வெற்றிடங்களை நிரப்புவதற்கான ஆட்சேர்ப்புகள் மேற்கொள்ளப்படவுள்ளதாக அமைச்சர் தெரிவித்துள்ளார்.
கடந்த 2025ஆம் ஆண்டில் பட்டதாரிகள் உள்ளிட்ட தகுதியான இளைஞர்கள் சுமார் 35,000 பேர் அரச சேவைக்கு ஆட்சேர்ப்பு செய்யப்பட்டதாகவும் அமைச்சர் குறிப்பிட்டுள்ளார்.
அரச சேவையில் நிலவும் வெற்றிடங்களை நிரப்பும் அரசாங்கத்தின் விரிவான திட்டத்தின் கீழ், இந்த ஆண்டில் 1.2 இலட்சத்துக்கும் மேற்பட்டோரை ஆட்சேர்ப்பு செய்வதற்கான நடவடிக்கைகள் ஏற்கனவே ஆரம்பிக்கப்பட்டுள்ளதாகவும் அவர் தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
