யேசு பிரான் அவதரித்த பெத்லகேமில் அமைதிக்காக பிரார்த்திக்கும் மக்கள்
இன்று யேசு கிறிஸ்து பிறந்த நாளான டிசம்பர் 25 என்பதால் உலகம் முழுவதும் கிறிஸ்மஸ் பண்டிகை கோலாகலமாக கொண்டாடப்படுகின்றது. ஆனால், இவ்வருடம் யேசுநாதர் அவதரித்த தலமாக கருதப்படும் பெத்லகேம் (Bethlehem) நகரில் கொண்டாட்டங்கள் எதுவுமேயில்லை.
கடந்த ஒக்டோபர் 7ஆம் திகதி இஸ்ரேலின் வடக்கு பகுதி மீது பலஸ்தீன ஹமாஸ் அமைப்பினர் தாக்குதல் நடத்தியதை அடுத்து இஸ்ரேல், ஹமாஸ் அமைப்பினரை முற்றிலும் ஒழிக்க வேண்டுமென உறுதியெடுத்து அந்த அமைப்பினரின் மையமான காசா முனை (Gaza Strip) பகுதியில் பெரும் தாக்குதல்களை நடத்தி வருகிறது.
இதுவரை இஸ்ரேலின் தாக்குதலில் 20ஆயிரத்து 424 பேர் கொல்லப்பட்டதாக பலஸ்தீன சுகாதாரத் துறை தெரிவித்துள்ளது.
வெறிச்சோடிக் கிடக்கும் பெத்லகேம்
இதேவேளை இந்தப் போரின் தாக்கம் பலஸ்தீனத்தின் கிறிஸ்மஸ் கொண்டாட்டத்திலும் பிரதிபலிக்கின்றதை காணக்கூடியதாக உள்ளதாக தெரிவிக்கப்படுகின்றது.
ஜெருசேலமிற்கு தெற்கே உள்ள பெத்லகேம் நகரில் உள்ள நட்சத்திர விடுதிகளிலும் உணவகங்களிலும் ஆண்டுதோறும் மக்கள் கூட்டம் மிக அதிகமாக காணப்படும். ஆனால், இம்முறை சுற்றுலாப் பயணிகளின் வருகை மிகவும் குறைந்துள்ளதனால் வீதிகள் மக்கள் கூட்டமின்றி வெறிச்சோடி காணப்படுகிறது.
பெத்லகேம் நகரில் வசிப்பவர்களின் வருமானம் அங்கு வரும் சுற்றுலாப் பயணிகளை நம்பியுள்ளதால் அம்மக்கள் தற்போது பொருளாதார ரீதியாக மிகுந்த சிரமத்திற்கு உள்ளாகியுள்ளனர்.
சேர்ச் ஒப் த நேட்டிவிட்டி பகுதி
யேசுநாதர் பிறந்ததாக கருதப்படும் இடத்தில் அமைக்கப்பட்டுள்ள "சேர்ச் ஒப் த நேட்டிவிட்டி"(Church of the Nativity) பகுதி வழக்கமாக மக்கள் வெள்ளத்தில் மூழ்கி இருக்கும். ஆனால், இந்த கிறிஸ்மஸ் தினத்திற்கு குறைந்த அளவிலான மக்களே வந்துள்ளனர்.
இந்நிலையில் இஸ்ரேல் ஹமாஸ் போர் தொடங்கியதிலிருந்தே பெத்லகேம் நகரில் உள்ள தங்கும் விடுதிகளில் சுற்றுலா பயணிகளால் செய்யப்பட்ட முற்பதிவுகள் ரத்து செய்யப்பட்டன.
அனைத்து விடுதிகளிலும் அறைகள் வெறுமையாக உள்ளதுடன் கிறிஸ்மஸ் மரங்கள், சிலுவைகள், மேரி சிலைகள் உட்பட பல பொருட்கள், வாங்குவதற்கு ஆட்களின்றி கடைகளில் வைக்கப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
விடுதலைப் புலிகளை வணங்கிய சிங்களவர்கள் ! 14 மணி நேரம் முன்
இனவாதம் வாழ்வது வடக்கு கிழக்கில் இல்லை… தென்னிலங்கையில்தான்…
4 நாட்கள் முன்
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016