தனியார் பல்கலைக்கழகங்களுக்கு வருகிறது கிடுக்கிப்பிடி : கல்வி அமைச்சு எடுக்கப்போகும் அதிரடி நடவடிக்கை

Ministry of Education Sri Lanka

By Jaso Jun 27, 2026 03:29 PM GMT

Jaso

in கல்வி

Report

அரச சார்பற்ற பல்கலைக்கழகங்கள் மற்றும் இணைப்புப் பல்கலைக்கழகங்களைத் தரமான முறையில் பராமரிப்பதற்காக, கல்வி மற்றும் உயர் கல்வி அமைச்சு ஒரு தனி கொள்கைத் தொகுப்பையும் ஒரு செயல் திட்டத்தையும் வகுக்க முடிவு செய்துள்ளது.

இது தொடர்பாக எதிர்காலத்தில் இரண்டு வர்த்தமானி அறிவிப்புகள் வெளியிடப்பட உள்ளதாக கல்வி பிரதி அமைச்சர் மதுர செனவிரத்ன தெரிவித்தார்.

வர்த்தமானி அறிவிப்புகள்

அதன்படி, இந்த வர்த்தமானி அறிவிப்புகள், அரச சார்பற்ற பல்கலைக்கழகங்கள் மற்றும் இணைப்புப் பல்கலைக்கழகங்களைப் பதிவு செய்வதற்கும், அவற்றை உரிய தரங்களுடன் பராமரிப்பதற்கும் ஒரு குறிப்பிட்ட வழிமுறையை வகுக்க கல்வி அமைச்சுக்கு அதிகாரம் அளிக்கும்.

தனியார் பல்கலைக்கழகங்களுக்கு வருகிறது கிடுக்கிப்பிடி : கல்வி அமைச்சு எடுக்கப்போகும் அதிரடி நடவடிக்கை | Private Uni Prohibited Engaging In Deliberate Work

அரச சார்பற்ற பல்கலைக்கழகங்கள் மற்றும் இணைப்புப் பல்கலைக்கழகங்களில் பட்டப்படிப்புகளுக்கு வசூலிக்கப்படும் கட்டணங்கள் தொடர்பாகவும் சில ஒழுங்குமுறைகள் செய்யப்படும் என்று பிரதி அமைச்சர் கூறினார்.

600 அரச சார்பற்ற பல்கலைக்கழகங்கள்

தற்போது நாடு முழுவதும் சுமார் 600 அரச சார்பற்ற பல்கலைக்கழகங்கள் உள்ளன, அவற்றில் 28 மட்டுமே அரசாங்கத்தில் பதிவு செய்யப்பட்டுள்ளன என்று மதுர செனவிரத்ன தெரிவித்தார்.

இதற்கிடையில், சில அரச சார்பற்ற பல்கலைக்கழகங்கள் மற்றும் இணைப்புப் பல்கலைக்கழகங்களின் தரம் குறித்து பல முறைப்பாடுகள் அமைச்சுக்கு வந்துள்ளன. அதன்படி, அந்தப் பல்கலைக்கழகங்களின் தரத்தை மேம்படுத்தும் நோக்கில் இந்த முடிவு எடுக்கப்பட்டுள்ளது.