பிரான்ஸில் பலஸ்தீனத்திற்கு ஆதரவு பேரணி : வெடித்தது வன்முறை
பிரான்ஸில் பலஸ்தீனத்திற்கு ஆதரவாக நேற்று முன்தினம் (12) இடம்பெற்ற பேரணியில் போராட்டக்காரர்களுக்கும் காவல்துறையினருக்கும் இடையில் இடம்பெற்ற மோதலில் வன்முறை ஏற்பட்டுள்ளதாக தெரிவிக்கப்படுகின்றது.
இந்த சம்பவத்தில் போராட்டக்காரர்கள் ஏராளமானோர் படுகாயமடைந்துள்ளதுடன் பலர் கைது செய்யப்பட்டடு பாரீஸ் உள்ளிட்ட நகரங்கள் போர்க்களம் போல மாறியுள்ளதாக குறிப்பிடப்பட்டுள்ளது.
இஸ்ரேல் - ஹமாஸ் இடையேயான போர் தொடர்ந்து தீவிரமடைந்து வருகின்ற நிலையில் இஸ்ரேலின் இடைவிடாத தாக்குதல்களினால் காசா நகரம் உருக்குலைந்து வருகிறது.
இஸ்ரேல் - ஹமாஸ் இடையேயான போர்
இதேவேளை ஹமாஸ் அமைப்பினர் இஸ்ரேல் மீது சரமாரியாக வான்வழிக் குண்டுத் தாக்குதலை மேற்கொண்டுள்ளதுடன் இஸ்ரேல் நகரங்களுக்குள் ஊடுருவியும் வருகின்றனர். இதனால் இரு தரப்பிலும் உயிரிழப்புக்கள் அதிகரித்துக் கொண்டே செல்லுகின்றது.
இந்த நிலையில் இஸ்ரேல் - ஹமாஸ் இடையேயான போரில் அமெரிக்கா, இங்கிலாந்து, கனடா உள்ளிட்ட பல நாடுகள் இஸ்ரேலுக்கு வெளிப்படையான ஆதரவை தெரிவித்துள்ளதுடன் உலகின் பல நாடுகளில் இருக்கும் பலஸ்தீன மற்றும் ஹமாஸ் ஆதரவாளர்கள் இஸ்ரேலுக்கு எதிராக போராட்டங்களில் ஈடுபட்டு வருகின்றனர்.
இஸ்ரேல் - ஹமாஸ் போரினால் யூத விரோதம் அதிகரிக்கும் என்ற அச்சத்தினால் பல ஐரோப்பிய நாடுகள் பலஸ்தீன ஆதரவு பேரணிகளுக்கு தடை விதித்துள்ளன.
பிரான்சில் பலஸ்தீனத்திற்கு ஆதரவாக பேரணி
இதேவேளை பிரான்ஸிலும் பலஸ்தீனத்திற்கு ஆதரவாக பேரணிகள் மற்றும் ஆர்ப்பாட்டங்கள் நடத்த தடை விதிக்கப்பட்டுள்ளது.
பிரான்ஸ் அரசாங்கம் விதித்துள்ள தடையை மீறி நேற்று முன்தினம் இரவு தலைநகர் பாரீசில் ஆயிரக்கணக்கான மக்கள் ஒன்று திரண்டு பலஸ்தீனத்திற்கு ஆதரவு தெரிவித்து பேரணி மற்றும் ஆர்ப்பாட்டங்கள் என்பவற்றை நடத்தினர்.
பேரணிகளை நிறுத்திய காவல்துறையினர் மக்களை கலைந்து செல்லும்படி எச்சரித்துள்ள நிலையில் இதனை மறுத்த போராட்டக்காரர்கள் காவல்துறையினர் வைத்திருந்த தடுப்புகளை மீறிச் செல்ல முயன்றுள்ளனர்.
பிரான்ஸ் அதிபர் வேண்டுகோள்
இதனால் காவல்துறையினருக்கும், போராட்டக்காரர்களுக்கும் இடையே மோதல் ஏற்பட்டுள்ள நிலையில் பினனர் வன்முறையாக மாறியுள்ளது.
அதனைத் தொடர்ந்து காவல்துறையினர் கண்ணீர் புகை குண்டுகளை வீசியும், தண்ணீரை அடித்தும் போராட்டக்காரர்களை விரட்டியடித்தனர்.
இதனிடையே பேரணிகளுக்கு பிரான்ஸ் அரசு விதித்துள்ள தடையானது கருத்து சுதந்திரத்தை பறிக்கும் செயல் என்றும், பலஸ்தீன மக்களுக்கு ஆதரவாக தொடர்ந்தும் ஆர்ப்பாட்டங்கள் நடைபெறும் எனவும் பலஸ்தீன ஆதரவு குழுக்கள் தெரிவித்துள்ளன.
இந்த நிலையில் போராட்டம் குறித்து கருத்து வெளியிட்ட பிரான்ஸ் அதிபர் மேக்ரோன் உள்நாட்டில் பிளவை ஏற்படுத்த வேண்டாம் என மக்களுக்கு வேண்டுகோள் விடுத்துள்ளமை குறிப்பிடத்தக்கது.
யாழ் கரவெட்டி மேற்கு, Jaffna, உரும்பிராய், Ajax, Canada
13 Nov, 2021
எழுதுமட்டுவாள், மீசாலை சாவகச்சேரி, Kuala Lumpur, Malaysia
07 Nov, 2024
தாவடி, கொக்குவில் மேற்கு, கொழும்பு, அமெரிக்கா, United States, கனடா, Canada
09 Nov, 2023
