முஸ்லிம் பாடசாலைகளின் பிரச்சினைகளுக்கு தீர்வு : ரணில் விடுத்த அதிரடி பணிப்புரை
கொழும்பு பிராந்தியத்தில் உள்ள முஸ்லிம் பாடசாலைகளின் பிரச்சினைகளை கண்டறிந்து துரிதமான தீர்வுகளை வழங்குமாறு அதிபர் ரணில் விக்ரமசிங்க(ranil wickremesinghe) அதிகாரிகளுக்கு பணிப்புரை விடுத்துள்ளார்.
கொழும்பு பிராந்திய முஸ்லிம் பாடசாலைகளின் பிரச்சினைகள் தொடர்பில் அதிபர் அலுவலகத்தில் இன்று (02) இடம்பெற்ற கலந்துரையாடலின் போதே அதிபர் மேற்கண்டவாறு தெரிவித்துள்ளார்.
இக்கலந்துரையாடலில் வெளிவிவகார அமைச்சர் அதிபரின் சட்டத்தரணி அலி சப்ரி, பாடசாலை அதிபர்கள் மற்றும் முஸ்லிம் சமூகத்தை பிரதிநிதித்துவப்படுத்தும் பல அமைப்புக்களின் பிரதிநிதிகள் கலந்து கொண்டு கொழும்பில் உள்ள முஸ்லிம் பாடசாலைகள் எதிர்நோக்கும் சவால்கள் குறித்து அதிபருக்கு தெரியப்படுத்தினர்.
ஆசிரியர் பற்றாக்குறை
ஆசிரியர் வெற்றிடங்கள், வகுப்பறைகள் மற்றும் போதிய இடமின்மை, சிங்கள மொழியில் இஸ்லாத்தை கற்பிப்பதில் உள்ள சிரமங்கள் மற்றும் முஸ்லிம் சமூகம் பெரும்பான்மையாக வாழும் பிரதேசங்களில் முஸ்லிம் பாடசாலைகள் இல்லாமை போன்ற பிரச்சினைகள் தீர்க்கப்பட்டன.
அத்தோடு, ஏறக்குறைய 40,000 முஸ்லிம் மாணவர்கள் சிங்கள மொழி மூலம் கல்வி கற்று வருவதுடன், சிங்கள மொழியில் இஸ்லாத்தை கற்பிக்கும் திறன் கொண்ட ஆசிரியர் பற்றாக்குறையை நிவர்த்தி செய்வது குறித்தும் கலந்துரையாடப்பட்டது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
