நாட்டுக்கு கிடைத்த முதல் வெற்றி - அனோஜனின் மரண தண்டனை இரத்து: மனோ கணேசன்

By Thulsi Oct 14, 2026 08:15 AM GMT

Thulsi

in அரசியல்

Report

அனோஜன் சிவராசாவுக்கு விதிக்கப்பட்ட மரண தண்டனைத் தீர்ப்பை, 2026 ஒக்டோபர் 13 ஆம் திகதி சவூதி அரேபிய உச்ச நீதிமன்றம் இரத்துச் செய்துள்ளது.

இலங்கை அரசாங்கம் முன்னெடுத்த தொடர்ச்சியான இராஜதந்திர மற்றும் சட்ட நடவடிக்கைகளின் பயனாக இந்தத் தீர்ப்பு கிடைத்துள்ளதாகத் தெரிவிக்கப்பட்டுள்ளது.

இந்நிலையில், சவூதி அரேபிய உயர் நீதிமன்றம் இலங்கைப் பிரஜையான அனோஜன் சிவராசாவுக்கு விதிக்கப்பட்ட மரண தண்டனையை இரத்து செய்திருப்பது நாட்டுக்கு நிம்மதியளிப்பதாக மனோ கணேசன் தெரிவித்துள்ளார்.

முதல் வெற்றி

இது தொடர்பில் கருத்து வெளியிட்டுள்ள அவர், சவூதி அரேபியாவுக்கும் அந்நாட்டின் இளவரசர் சல்மானுக்கும் தனது மனமார்ந்த நன்றிகளைத் தெரிவித்துள்ளார்.

நாட்டுக்கு கிடைத்த முதல் வெற்றி - அனோஜனின் மரண தண்டனை இரத்து: மனோ கணேசன் | Saudi Court Aside Death Sentence Against Anojan

அதிகாரத்தில் உள்ள அரசாங்கம் என்ற வகையில் இலங்கை அரசு தனது பொறுப்பை நிறைவேற்றியுள்ளதாக அவர் குறிப்பிட்டுள்ளார்.

இலங்கையின் அனைத்து அரசியல் கட்சிகளும், சிவில் சமூக அமைப்புகளும், பொதுமக்களும் தமது வேறுபாடுகளைக் கடந்து நம்பிக்கை மற்றும் பிரார்த்தனையின் அடிப்படையில் ஒன்றிணைந்ததாகவும் மனோ கணேசன் தெரிவித்துள்ளார்.

இது ஒரு நாடு என்ற வகையில் கிடைத்த முதல் வெற்றி என்றும் மனோ கணேசன் மேலும் குறிப்பிட்டுள்ளார்.