சர்சைக்குரிய ஞானசார தேரருக்கு வழங்கிய மன்னிப்பு - மேன்முறையீட்டு நீதிமன்றதில் விசாரணை
பொதுபல சேனா அமைப்பின் பொதுச்செயலாளர் ஞானசார தேரருக்கு எதிரான நீதிமன்றத் தீர்ப்பின் மேலதிக நடவடிக்கைகள் குறித்து ஆராய மேன்முறையீட்டு நீதிமன்றத்தில் குறித்த வழக்கு இன்று விசாரணைக்கு எடுத்துக் கொள்ளப்பட்டது.
நீதிமன்ற அவமதிப்பின் பேரில் ஞானசார தேரருக்கு வழங்கப்பட்ட ஆறு வருட சிறைத்தண்டனை தொடர்பில் மைத்திரிபால சிரிசேன ஜனாதிபதியாக இருந்த காலத்தில் வழங்கப்பட்ட ஜனாதிபதி மன்னிப்பை உச்சநீதிமன்றம் அண்மையில் ரத்துச் செய்திருந்தது.
அதனடிப்படையில் நீதிமன்ற அவமதிப்பு வழக்கில் வழங்கப்பட்ட தீர்ப்பை நடைமுறைப்படுத்துவது குறித்து மேன்முறையீட்டு நீதிமன்றத்தின் கருத்தைக் கோரி சட்டமா அதிபர் திணைக்களத்தால் மனுவொன்று தாக்கல் செய்யப்பட்டிருந்தது.
நீதிமன்றத்தில் விசாரணை
குறித்த மனு இன்று மேன்முறையீட்டு நீதிமன்றத்தில் விசாரணைக்கு எடுத்துக் கொள்ளப்பட்டது. இதன்போது ஞானசார தேரர் நீதிமன்றத்தில் முன்னிலையாகாத நிலையில், அவர் பித்தப்பை அறுவை சிகிச்சை காரணமாக மருத்துவமனையில் தங்கியிருப்பதாக தெரிவிக்கப்பட்டுள்ளது.
அத்துடன் தேவையேற்பட்டால் அவரை நீதிமன்றத்தில் முன்னிலைப்படுத்தத் தயாராக இருப்பதாக ஞானசார தேரர் சார்பில் முன்னிலையான சட்டத்தரணி நீதிமன்றத்தில் தெரிவித்திருந்தார்.
எனினும் ஞானசார தேரருக்கு வசதியான தருணமொன்றில் நீதிமன்றத்தில் முன்னிலையாக அனுமதி தருமாறும் அவர் வேண்டுகோள் விடுத்துள்ளார்.
அதனை சட்டமா அதிபர் திணைக்களமும் ஏற்றுக் கொண்டது. அதனையடுத்து ஞானசார தேரர் நீதிமன்றத்தில் முன்னிலையாக தகுதியான மருத்துவ நிலையை அடையும் வரை வழக்கை ஒத்தி வைக்க உத்தரவிடப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
