டிக்கோயா இரட்டை படுகொலை! சிக்கிய கொலையாளி உட்பட இருவர்

Sri Lankan Peoples Sri Lanka Police Investigation Hatton

By Dhilak May 24, 2026 03:14 AM GMT

Dhilak

in குற்றம்

Report

டிக்கோயா நகரப்பகுதியில் உள்ள வர்த்தக நிலையத்தில் இடம் பெற்ற இரட்டை கொலை சம்பவத்துடன் தொடர்புடைய சந்தேக நபர் கைது செய்யப்பட்டுள்ளார்.

பொகவந்தலாவ பெற்றோசா பகுதியில் உள்ள வீடு ஒன்றில் மறைந்திருந்த நிலையில் சந்தேகநபர் நேற்று(24) பிற்பகல் கைது செய்யப்பட்டதாக ஹட்டன் காவல்துறையினர் தெரிவித்துள்ளனர்.

சந்தேக நபர் வயோதிப தம்பதினர் இருவரையும் 21ம் திகதி கொலை செய்துவிட்டு உறவினர்களின் வீட்டில் மறைந்திருந்த நிலையில் பொதுமக்களினால் வழங்கப்பட்ட தகவலுக்கமைய சம்பவ இடத்திற்கு சென்ற பொகவந்தலாவ காவல்துறையினர் குறித்ந சந்தேக நபரை கைது செய்துள்ளனர்.

பெண்ணொருவர் கைது

சந்தேகநபர் பதுளை பகுதியை சேர்ந்தவர் எனவும் கொழும்பு பகுதியில் வீடு ஒன்றில் பணிப்பெண்ணாக பணிபுரிந்து வந்த கெம்பியன் பகுதியை சேர்ந்த பெண்ணோடு தொடர்பு வைத்திருந்து அப்பெண்ணின் சகோதரர் வீட்டில் தங்கியிருந்தாகவும் கூறப்படுகிறது.

டிக்கோயா இரட்டை படுகொலை! சிக்கிய கொலையாளி உட்பட இருவர் | Suspect Arrested In Connection With Double Murder

சம்பவம் தொடர்பில் தொடர்பில் பெண் ஒருவரும் கைது செய்யப்பட்டுள்ளதாக தகவல்கள் தெரிவிக்கின்றன.

இந்த நிலையில், 82 வயதுடைய எஸ். காளிமுத்து சத்திவேல் 82 வயதான அவரது மனைவி சகுந்தலாதேவி ஆகியோரே சம்பவத்தில் கொலை செய்யப்பட்டனர்.

படுகொலை

படுகொலை செய்யப்பட்ட தம்பதியினரின் பிள்ளைகள் கொழும்பில் வசித்து வந்ததையடுத்து குறித்த தம்பதியினர் நீண்ட காலமாக டிக்கோயா பகுதியில் வர்த்தககத்தில் ஈடுபட்டு வந்துள்ளனர்.