ரோகித் சர்மாவை வாங்கப்போகும் அணி எது தெரியுமா..!
Sumithiran
in கிரிக்கெட்
அணித்தலைவர் பதவி பறிப்பு மற்றும் புதிய தலைவரான ஹர்திக் பாண்டியாவுடனான பனிப்போர் காரணமாக மும்பை இந்தியன்ஸ் அணியிலிருந்து ரோகித் சர்மா விலகவுள்ளதாக தகவல்கள் தெரிவிக்கின்றன.
அதன்படி ரோகித் சர்மா மும்பை இந்தியன்ஸ் அணிக்காக விளையாடப் போகும் கடைசி சீசன் இதுதான் என்று செய்திகள் வெளியாகி உள்ளது
மும்பை அணியில் இருந்து விலகி
ஐபிஎல் 2025 ஆம் ஆண்டு சீசனுக்கு முன்பு மெகா ஏலம் நடத்தப்பட போகிறது. இந்த மெகா ஏலத்தின் முன்பே ரோகித் சர்மா மும்பை அணியில் இருந்து விலகி வேறு அணிக்கு மாறப்போகிறார் என்ற செய்திகள் வெளியாகிறது.
ரோகித் சர்மா, சன்ரைசர்ஸுக்கு போகப் போகிறார், சிஎஸ்கே போகப் போகிறார் என்ற பல செய்திகள் வெளியானது. இந்த நிலையில் தற்போது லக்னோ அணி தான் ரோகித் சர்மாவை வாங்க ஆர்வம் காட்டி வருவதாக உறுதியான செய்திகள் வெளிவந்துள்ளது.
ஸ்டார் அந்தஸ்துடைய வீரர்கள் லக்னோ அணிக்கு
ஏனென்றால் ஐபிஎல் தொடரில் புதிய அணிகள் ஏலம் விடப்பட்ட போது கிட்டத்தட்ட 7000 கோடி ரூபாய் கொடுத்து லக்னோ அணியை அதன் நிர்வாகிகள் வாங்கி இருக்கிறார்கள்.
இதனால் ரோகித் சர்மா போன்ற ஒரு ஸ்டார் அந்தஸ்துடைய வீரர்கள் லக்னோ அணிக்கு வந்தால் அந்த அணியின் வணிகமும் பெருமளவு ஹிட் அடிக்கும். இதன் காரணமாக ஐபிஎல் மெகா ஏலம் முன்பே ரோகித் சர்மாவை வாங்க லக்னோ அணி முடிவு எடுத்திருக்கிறது.
நடப்பு சீசன் முடிந்தவுடன் மும்பை அணியில் இருந்து ரோகித் சர்மாவே விலகிவிடுவார் என்றும் அதன் பிறகு லக்னோ அவரை வாங்கிவிடும் என்றும் செய்திகள் வெளியாகி உள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
