மஹரகமையில் வீடொன்றிற்குத் தீ வைப்பு : தாயும் மகளும் பரிதாபமாக பலி!

Sri Lanka Police Colombo Sri Lanka Police Investigation Fire

By Sathangani Apr 19, 2026 06:31 AM GMT

Sathangani

in சமூகம்

Report

மஹரகமையில் உள்ள இரண்டு அடுக்கு வீடொன்றின் மேல் மாடிக்கு இனந்தெரியாத நபர்களால் தீ வைக்கப்பட்டதில் வீட்டில் வசித்த தாயும் மகளும் பரிதாபமாக உயிரிழந்துள்ளனர்.

அத்துடன் இரு ஆண்கள் பலத்த காயமடைந்து வைத்தியசாலையில் அனுமதிக்கப்பட்டுள்ளதாக மஹரகம காவல்துறையினர் தெரிவித்தனர்.

மஹரகம, பமுணுவ வீதி, எக்சத் சுபசாதக மாவத்தை, இரண்டாவது குறுக்கு வீதியில் உள்ள வீடொன்றில் நேற்று (18) இந்தச் சம்பவம் இடம்பெற்றுள்ளது.

வைத்தியசாலையில் அனுமதி

இந்த அனர்த்தத்தின் போது அயலவர்கள் உடனடியாகச் செயற்பட்டுத் தீயை அணைத்து, காயமடைந்த இரு ஆண்களையும் வைத்தியசாலையில் அனுமதித்த பின்னர் வீட்டைச் சோதனையிட்ட போது அறையொன்றுக்குள் தாயும் மகளும் சடலமாக மீட்கப்பட்டுள்ளனர்.

மஹரகமையில் வீடொன்றிற்குத் தீ வைப்பு : தாயும் மகளும் பரிதாபமாக பலி! | A House Was Set On Fire Mother And Daughter Died

குறித்த வீட்டில் வாடகை அடிப்படையில் வசித்து வந்த 55 வயதுடைய பெண் மற்றும் அவரது 16 வயதுடைய மகளுமே இவ்வாறு உயிரிழந்துள்ளனர்.

இந்த சம்பவத்தில் பலத்த தீக்காயங்களுக்கு உள்ளான சிறுமியின் தந்தை மற்றும் வீட்டின் உரிமையாளரான 76 வயதுடைய முதியவர் ஆகியோர் வைத்தியசாலையில் அனுமதிக்கப்பட்டுள்ளனர்.

காவல்துறையினர் மேலதிக விசாரணை

இந்த சம்பவம் நடந்த இடத்தில் பெட்ரோல் வாடை வீசியுள்ளதோடு, வீடொன்றிற்குத் தீ வைத்து மேற்கொள்ளப்பட்ட இரட்டைக் கொலைச் சம்பவம் இதுவென விசாரணைகளில் தெரியவந்துள்ளதாக காவல்துறையினர் குறிப்பிட்டுள்ளனர்.