முறிகண்டி செல்வபுரம் பகுதியில் விபத்து ஒருவர் பலி
முறிகண்டி செல்வபுரம் பகுதியில் விபத்து ஏற்பட்டுள்ளதாக தகவல்கள் வெளியாகியுள்ளது.
குறித்த விபத்தானது நேற்று(21) இரவு 10 மணியளவில் இடம்பெற்றுள்ளது.
இந்த விபத்தில் ஒருவர் பலியாகியுள்ளதுடன் ஒருவர் படுகாயமடைந்து வைத்தியசாலையில் அனுமதிக்கபட்டுள்ளார்.
முல்லைத்தீவு மாவட்டத்தின் மாங்குளம் காவல்துறை பிரிவிற்குட்பட்ட செல்புரம் பகுதியில் A9 வீதியில் குறித்த விபத்து ஏற்பட்டுள்ளது.
சம்பவ இடத்தில்
அப்பகுதியை சேர்ந்த 47 வயதுடைய கதிரவேலு லட்சுமனன் என்ற 3 பிள்ளைகளின் தந்தையே சம்பவ இடத்தில் உயிரிழந்துள்ளார்.
அவரது மகன் படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளார்.
கிளிநொச்சியிலிருந்து வீடு நோக்கி பயணித்த மோட்டார் சைக்கிள் மீது அதே திசையில் பயணித்த பாரஊர்தி மோதி விபத்துக்குள்ளானது.
காவல்துறையினர் நடவடிக்கை
விபத்தில் மோட்டார் சைக்கிளில் பயணித்தவர்களே உயிரிழந்தும், படுகாயமடைந்துமுள்ளனர்.
பார ஊர்தியின் சாரதி தப்பி சென்றுள்ள நிலையில் அவரை கைது செய்ய காவல்துறையினர் நடவடிக்கை எடுத்துள்ளனர்.
விபத்தின் பின்னர் காவல்துறையினருக்கும் பொதுமக்களிற்குமிடையில் வாக்குவாதம் ஏற்பட்டுள்ளது.
விசாரணைகளை
அதன்பின்னர், மாங்குளம் தலைமை காவல்துறை அதிகாரி உள்ளிட்ட அதிகாரிகள் விரைந்து விசாரணைகளை ஆரம்பித்துள்ளனர்.
குறித்த பகுதியில் காவல்துறையினரும், இராணுவத்தினரும் பாதுகாப்பு கடமையில் ஈடுபடுத்தப்பட்டனர் என்பது குறிப்பிடத்தக்கது.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
