சந்திரயான் - 3 தென் துருவத்தில் இல்லை : அண்டவியல் விஞ்ஞானியின் பரபரப்பு தகவல்
சந்திரயான் - 3 தரையிறங்கியதாக இஸ்ரோ தெரிவித்த தளம் நிலவின் தென் துருவத்தில் இல்லை என சீன அண்டவியல் விஞ்ஞானியும், சீன அறிவியல் அகடமியின் உறுப்பினருமான ஓயாங் ஜியுவான் பரபரப்புக் கருத்தை வெளியிட்டுள்ளார்.
இந்தியாவின் வரலாற்றுச் சாதனையை மறுத்து பேசும் அவர் அதற்கான விஞ்ஞான ரீதியான விளக்கத்தையும் கொடுத்துள்ள நிலையில், இந்த விடயமானது பெரும் பரபரப்பை ஏற்படுத்தியுள்ளது.
ஓயாங் ஜியுவானின் கருத்து
அவர் மேலும் கூறுயைில், பூமியில், தென் துருவமானது 66.5 மற்றும் 90 டிகிரி தெற்கே வரையறுக்கப்படுகிறது. ஏனெனில் அதன் சுழற்சி அச்சு சூரியனுடன் ஒப்பிடும்போது சுமார் 23.5 டிகிரி சாய்ந்துள்ளது.
சந்திரனின் சாய்வு 1.5 டிகிரி மட்டுமே என்பதால், துருவப் பகுதி மிகவும் சிறியதாக இருக்கும்” எனத் தெரிவித்துள்ளார்.
நாசா சந்திரனின் தென் துருவத்தை 80 முதல் 90 டிகிரியாகக் கருதுகிறது.
அதே நேரத்தில் ஓயாங் ஜியுவான் சந்திரனின் 1.5 டிகிரி சாய்வைப் பிரதிபலிக்கும் வகையில் வெறும் 88.5 முதல் 90 டிகிரி வரை சிறியதாக இருப்பதாக கூறுகின்றார்.
சந்திரயான் -3
இந்திய விண்வெளி ஆராய்ச்சி நிறுவனம் (ISRO) ஆந்திரப் பிரதேசத்தின் ஸ்ரீஹரிகோட்டாவில் இருந்து சந்திரயான் -3 ஐ அனுப்பியது.
இந்த விண்கலமானது பூமியிலிருந்து சந்திரனுக்கு பயணிக்க சுமார் ஒரு மாதம் ஆகும் என்று மதிப்பிடப்பட்டுள்ளததையடுத்து ஓகஸ்ட் 23 அன்று தரையிறக்கம் செய்யப்பட்டது.
இதையடுத்து தனது பணியையும் வெற்றிகரமாக செய்து வந்தது. ஆனால் தற்போது உறக்க நிலையில் இருந்து வருகின்றது. அதை எழுப்பும் பணிகளை இஸ்ரோ மீண்டும் செய்து வருகின்றது.
இந்நிலையில் இந்த வரலாற்றுச் சாதனையை மறுத்துப் பேசும் வகையில் சீனாவைச் சேர்ந்த விஞ்ஞானி ஒருவர் தனது கருத்தை தெரிவித்துள்ளார்.
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
