பெற்றோரை இழந்த குழந்தைகள் பற்றிய தகவல்களை சேகரிக்கும் மோசடி திட்டம் அம்பலம்!

Child Rehabilitation Center Child Abuse School Children

By Kanooshiya Dec 11, 2025 07:09 AM GMT

Kanooshiya

in சமூகம்

Report

வெள்ளம் மற்றும் மண்சரிவு காரணமாக பெற்றோரை இழந்த குழந்தைகள் பற்றிய தகவல்களை சேகரிக்கும் மோசடி திட்டம் தொடர்பிலான தகவல்கள் வெளியாகியுள்ளதாக தேசிய குழந்தைகள் பாதுகாப்பு அதிகாரசபையின் பணிப்பாளர் ஷானிகா மலல்கொட தெரிவித்தார்.

நேற்று (10.12.2025) நடைபெற்ற ஊடகவியலாளர் சந்திப்பில் கலந்துக்கொண்டு கருத்து தெரிவிக்கும் போதே தெரிவித்தார்.

குழந்தைகள் பற்றிய தகவல்களைக் கோரும் சந்தேகத்திற்கிடமான நபர்கள் குறித்து 1929 என்ற எண்ணுக்குத் தெரிவிக்க முடியும் எனவும் அவர் கேட்டுக்கொண்டார்.

தகவல் கோரிக்கை

மேலும் கருத்து தெரிவித்த அவர், குழந்தைகள் தொடர்பிலான தகவல்களை பெரியவர்கள் எந்தவொரு சூழ்நிலையிலும் வெளியாட்களுக்கு வழங்குவதைத் தவிர்க்க வேண்டும்.

பெற்றோரை இழந்த குழந்தைகள் பற்றிய தகவல்களை சேகரிக்கும் மோசடி திட்டம் அம்பலம்! | Fraud Collect Information About Orphaned Children

இந்த நேரத்தில் குழந்தைகள் பற்றிய தகவல்களுக்கான கோரிக்கைகள் அதிகரித்து வருகின்றன. சந்தேகத்திற்கிடமான நபர்கள் இந்த குழந்தைகள் பற்றிய தகவல்களைக் கோருகின்றனர். பெற்றோரை இழந்த குழந்தைகள் பற்றிய தகவல்களைக் கோருகின்றனர், அவர்களுக்கு உதவி வழங்க முடியும் என கூறி வருகின்றனர்.

உங்கள் குழந்தையின் தகவல்களை வெளியாட்கள் மற்றும் நிறுவனங்களுக்கு சந்தேகத்திற்கிடமான முறையில் வழங்கினால், உங்கள் குழந்தை பாதுகாப்பற்றதாக மாறக்கூடும்.

அவர்கள் உங்கள் குழந்தையின் புகைப்படங்களையும் கேட்கலாம். குழந்தையின் சுயமரியாதையையும், குழந்தை கொண்டிருக்கும் அழகான குழந்தைப் பருவ உலகத்தையும் அழிக்க எந்த வாய்ப்பையும் கொடுக்காதீர்கள்.

தற்போது சமூக ஊடகங்கள் மூலம் குழந்தைகளைப் பற்றிய தகவல்களைக் கோரும் தனிநபர்கள் மற்றும் குழுக்கள் உள்ளன. இந்த வழியில் குழந்தைகளைப் பற்றிய தகவல்களைக் கோரும் எவருக்கும் நீங்கள் தகவல்களை வழங்க வேண்டாம் என்று நாங்கள் கேட்டுக்கொள்கிறோம்.” என தெரிவித்துள்ளார்.