நாட்டின் பல இடங்களில் இன்று பலத்த மழை: மக்களுக்கு விடுக்கப்பட்டுள்ள எச்சரிக்கை
நாட்டின் பல பகுதிகளில் இன்று இடியுடன் கூடிய பலத்த மழை பெய்யக்கூடுமென வளிமண்டலவியல் திணைக்களம் (Department of Meteorology) எதிர்வு கூறியுள்ளது.
அத்துடன், மேற்கு, சப்ரகமுவ, தெற்கு மற்றும் வடமேற்கு மாகாணங்களிலும் கண்டி மற்றும் நுவரெலியா மாவட்டங்களிலும் மழை அல்லது இடியுடன் கூடிய மழை பெய்யக்கூடும் என்று வளிமண்டலவியல் திணைக்களம் தெரிவித்துள்ளது.
அனுராதபுரம், மாத்தளை மற்றும் மன்னார் மாவட்டங்களில் பல முறை மழை பெய்யக்கூடும் என்று திணைக்களம் இன்று (11.04.2025) காலை வெளியிட்டுள்ள அறிக்கையில் தெரிவித்துள்ளது.
இடியுடன் கூடிய மழை
ஊவா மாகாணத்திலும் அம்பாறை, மட்டக்களப்பு மற்றும் பொலன்னறுவை மாவட்டங்களிலும் மாலை அல்லது இரவு வேளைகளில் மழை அல்லது இடியுடன் கூடிய மழை பெய்யக்கூடும் என்றும் தெரிவிக்கப்பட்டுள்ளது.
மேல் மற்றும் சப்ரகமுவ மாகாணங்களிலும் காலி மற்றும் மாத்தறை மாவட்டங்களிலும் சில இடங்களில் 10 மில்லிமீட்டர் வரை மழை பெய்யக்கூடும் எனவும் 50 மில்லிமீட்டருக்கு மேல் கனமழை பெய்ய வாய்ப்பு உள்ளதாகவும் வளிமண்டலவியல் திணைக்களம் கூறியுள்ளது.
மேலும், மத்திய மலைநாட்டின் மேற்கு சரிவுகளிலும், வடக்கு, வடமத்திய, வடமேற்கு மாகாணங்களிலும், திருகோணமலை மற்றும் ஹம்பாந்தோட்டை மாவட்டங்களிலும் அவ்வப்போது மணிக்கு 10 கி.மீ வேகத்திற்கு மேல் பலத்த காற்று வீசக்கூடும்.
பொதுமக்களுக்கான எச்சரிக்கை
அதேநேரம், 30-40 மைல் வேகத்தில் பலத்த காற்று வீசக்கூடும் என்றும் இடியுடன் கூடிய மழையுடன் ஏற்படக்கூடிய தற்காலிக பலத்த காற்று மற்றும் மின்னல் தாக்குதல்களால் ஏற்படும் அபாயங்களைக் குறைக்க தேவையான நடவடிக்கைகளை எடுக்குமாறு பொதுமக்களிடம் வளிமண்டலவியல் திணைக்களம் கேட்டுக்கொண்டுள்ளது.
இதற்கிடையில், இந்த நாட்களில் சூரியன் வடக்கு நோக்கி நகர்ந்து வருவதால், இன்று இலங்கைக்கு அருகிலுள்ள அட்சரேகைகளில் அது நேரடியாக மேலே உள்ளது.
அதன்படி இன்று நண்பகல் 12:11 மணியளவில் மணிங்கமுவ, ரம்பேவ, கஹட்டகஸ்திகிலிய, எத்தலவத்துன வெவ மற்றும் மூதூர் ஆகிய பகுதிகளில் சூரியன் உச்சத்தை அடையும்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 5ம் வட்டாரம், யாழ்ப்பாணம், Fareham, United Kingdom
04 Jul, 2023
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
Negeri Sembilan, Malaysia, சுன்னாகம், யாழ்ப்பாணம், Wembley, United Kingdom, Gaborone, Botswana
30 Jun, 2021
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
