இந்தியாவில் பரவும் கொவிட் இலங்கைக்குள் நுழைந்ததா..! பேராசிரியரின் அச்சம் தரும் அறிவிப்பு

COVID-19 Sri Lanka India

By Sumithiran Dec 21, 2023 11:44 PM GMT

Sumithiran

in சமூகம்

Report

இந்தியாவில் தற்போது பரவி வரும் Omicron JN1 கொவிட் வைரஸ் மாறுபாடு இலங்கைக்குள் நுழைந்துள்ளதாக தான் நம்புவதாக ஸ்ரீ ஜயவர்தனபுர பல்கலைக்கழகத்தின் ஒவ்வாமை, நோயெதிர்ப்பு மற்றும் உயிரணு உயிரியல் துறையின் தலைவர் பேராசிரியர் சந்திம ஜீவந்தா, தெரிவித்தார்.

கொவிட் பரிசோதனைகள் மிகக் குறைந்த மட்டத்தில் இருப்பதால், இலங்கையில் பரவுவது குறித்த உண்மைகளை விஞ்ஞான ரீதியாக முன்வைக்க முடியாது எனவும் அவர் குறிப்பிட்டுள்ளார்.

முககவசங்களைமீண்டும் பயன்படுத்துவது

இந்த சூழ்நிலையை கருத்தில் கொண்டு, வயதானவர்கள், பல்வேறு நோய்களால் பலவீனமான நோய் எதிர்ப்பு சக்தி உள்ளவர்கள், அதே போல் மோசமான காற்றோட்டம் உள்ள நெரிசலான சூழலில் முககவசங்களைமீண்டும் பயன்படுத்துவது மிகவும் முக்கியம் என்று பேராசிரியர் சுட்டிக்காட்டுகிறார்.

இந்தியாவில் பரவும் கொவிட் இலங்கைக்குள் நுழைந்ததா..! பேராசிரியரின் அச்சம் தரும் அறிவிப்பு | Indian Covid Has Infiltrated Sri Lanka

சோர்வு, இயலாமை சாப்பிடுவது மற்றும் வாந்தியெடுக்கும் போக்கு ஆகியவை இந்த நோயின் அறிகுறிகளாகும்.இந்த அறிகுறிகள் தென்பட்டால் மருத்துவ ஆலோசனை பெறுவது அவசியம் என்றார்.

கொவிட் தடுப்பூசி

கொவிட் தடுப்பூசி வழங்கும் வேலைத்திட்டம் இன்னும் நடைமுறையில் உள்ளதால், அதிக ஆபத்துள்ள மக்களுக்கு பூஸ்டர் தடுப்பூசியை எடுத்துக்கொள்வது முக்கியம் என்றும் சந்திம ஜீவந்தர சுட்டிக்காட்டுகிறார்.

இன்ஃப்ளூயன்ஸா போன்ற நோயின் காரணமாக, இந்தியாவின் கொச்சியில் பரிசோதிக்கப்பட்ட நோயாளிகளில் 30 சதவீதம் பேர் இந்த வகை கொவிட் நோயால் பாதிக்கப்பட்டுள்ளனர் என்று பேராசிரியர் கூறினார்.