இலங்கையில் இன்ஃபுளுவென்ஸா நோய்த்தொற்று அதிகரிப்பு
இலங்கையில் சமீபத்திய வாரங்களில் இன்ஃபுளுவென்ஸா நோய்த்தொற்று பரவல் அதிகரித்துள்ளதாக தொற்றுநோயியல் பிரிவினர் தெரிவித்துள்ளனர்.
இருப்பினும் இதனால் பொதுமக்கள் பீதியடைய தேவையில்லை எனவும் பிரதம தொற்றுநோயியல் நிபுணர் வைத்தியர் பாலித கருணபெம கேட்டுக்கொண்டுள்ளார்.
சுகாதார மேம்பாட்டு பணியகத்தில் நடைபெற்ற ஊடக சந்திப்பில் உரையாற்றியபோது அவர் இதனை தெரிவித்துள்ளார்.
35% நோய்த்தொற்று அடையாளம்
கடந்த மூன்று முதல் நான்கு வாரங்களாக இன்ஃபுளுவென்ஸா நோய்த்தொற்றுகள் அதிகரித்துள்ளதை கண்காணிப்பு அமைப்பு கண்டறிந்துள்ளதாகவும் அவர் குறிப்பிட்டிருந்தார்.
"கடந்த வாரம் வரை, பரிசோதிக்கப்பட்ட மாதிரிகளில் சுமார் 35% இன்ஃபுளுவென்ஸா நோய்த்தொற்றுகளாக அடையாளம் காணப்பட்டுள்ளன. நாட்டில் தற்போது பரவி வரும் இருமல், சளி மற்றும் காய்ச்சல் நோய்த்தொற்றுகளுக்கு இன்ஃபுளுவென்ஸாவே காரணம் என்பதை இது காட்டுகிறது.
இருப்பினும், இந்த நோய்தொற்று பொதுவாக சிகிச்சையின் மூலம் மூன்று முதல் நான்கு நாட்களுக்குள் பெரிய சிக்கல்களை ஏற்படுத்தாமல் குணமாகிவிடும். எனவே, பொதுமக்கள் தேவையற்ற முறையில் பீதியடைய வேண்டாம்," என்று அவர் கூறினார்.
மேலும், கர்ப்பிணிப் பெண்கள், சிறு குழந்தைகள், முதியவர்கள் மற்றும் நீரிழிவு, இதய நோய், சிறுநீரக நோய் போன்ற தொற்றா நோய்கள் உள்ளவர்களுக்கு இன்ஃபுளுவென்ஸா சிக்கல்களை ஏற்படுத்தக்கூடும் என்றும் அவர் எச்சரித்தார்.
ஓய்வு அவசியம்
நோய்த்தொற்று உள்ள ஒருவர் இருமும்போது அல்லது தும்மும்போது வெளிப்படும் நீர்த்துளிகள் மூலமாகவும், அத்துடன் நேரடித் தொடர்பு மூலமாகவும் இன்ஃபுளுவென்ஸா பரவுகிறது என்று தலைமை தொற்றுநோயியல் நிபுணர் மேலும் விளக்கினார்.
வைரஸ் தொற்று பரவுவதைத் தடுக்க, பாதிக்கப்பட்டவர்கள் இரண்டு முதல் மூன்று நாட்கள் வீட்டிலேயே தங்கி ஓய்வெடுக்க வேண்டும் என்று அவர் வலியுறுத்தினார்.
தொற்று ஏற்பட்டிருக்கும்போது, சவர்க்காரம் போட்டு அடிக்கடி கைகளைக் கழுவுவதும், முகக்கவசம் அணிவதும் நோய்ப் பரவலைக் குறைக்க உதவும் என்றும் அவர் மேலும் கூறினார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மலேசியா, Malaysia, தெல்லிப்பழை, Wembley, United Kingdom
09 Oct, 2026
புங்குடுதீவு 3ம் வட்டாரம், London, United Kingdom
13 Oct, 2024
