நட்டஈட்டை செலுத்த அன்புக்குரியவர்களின் உதவியை நாடும் மைத்திரி
ஈஸ்டர் தாக்குதல் வழக்கில் உயர் நீதிமன்றம் விதித்த 10 கோடி ரூபா நட்டஈட்டை வழங்குவதற்கு தனது அன்புக்குரியவர்கள் தனககு உதவி செய்ய வேண்டுமென எதிர்பார்ப்பதாக முன்னாள் அதிபர் மைத்திரிபால சிறிசேன தெரிவித்துள்ளார்.
இன்று நாடாளுமன்றத்தில் உரையாற்றும் போதே அவர் இதனை கூறியுள்ளார்.
தாக்குதலை அனுமதிக்க கூடாது
“பாதுகாப்பு கவுன்சிலில் குறிப்புகள் எதுவும் வைக்கப்படவில்லை. ஒவ்வொரு பாதுகாப்பு துறையின் மூத்த அதிகாரிகளும் தங்கள் நாட்குறிப்புகளில் குறிப்புகளை வைத்திருந்தனர். தேவையான போதெல்லாம் நான் பாதுகாப்பு கவுன்சிலை அழைத்தேன். உலகில் தாக்குதல்கள் நடக்கும்போது, இலங்கையில் இதுபோன்ற தாக்குதல்கள் நடக்க அனுமதிக்கக் கூடாது என்று கூறினேன். பாதுகாப்பு கவுன்சில் கூட்டங்களில் பாதுகாப்பு படைகளின் உயர்மட்ட பிரதிநிதிகள் கலந்து கொள்கின்றனர்.
நீதிமன்றத்தின் தீர்ப்பை தலைகுனிந்து மதிக்கிறேன்
ஏப்ரல் 9 ஆம் திகதி நான் காவல்துறையின் மூத்த அதிகாரிகளை அழைத்தேன். அந்த விவாதத்தில் இதுபற்றி யாரும் அறிக்கை கொடுக்கவில்லை. நீதிமன்றத்தின் தீர்ப்பை தலைகுனிந்து மதிக்கிறேன். அதுபற்றி எந்த விவாதமும் இல்லை. அந்த முடிவால் எனக்கு 10 கோடி கொடுக்க வேண்டியுள்ளது. இது அபராதம் அல்ல, 10 கோடி இழப்பீடு வழங்க உத்தரவிடப்பட்டுள்ளது. 10 கோடி இழப்பீடு கொடுக்க என்னிடம் சொத்து இல்லை. இந்த இழப்பீட்டை என் அன்புக்குரியவர்களிடம் கேட்கிறேன்.
நான் அதிபராக இருந்த காலத்திலும் சொத்துக்கள் மற்றும் கடன்களை அறிவித்துள்ளேன். கடந்த வருடமும் கொடுத்தேன். இந்த ஆண்டும் வழங்கப்படும். என்னை நேசிக்கும் நாட்டு மக்களிடம் இருந்து உதவி பெறுவேன் என்று நம்புகிறேன்.
முன்னாள் காவல்துறை மா அதிபர் அரசியலமைப்பு சபையால் நியமிக்கப்பட்டார். ஆனால் நியமனம் அதிபரால் அங்கீகரிக்கப்பட்டுள்ளது. அரசியல் நிர்ணய சபை வழங்கியதை நான் அங்கீகரித்தேன்.
நிலந்த ஜயவர்தன மற்றும் சிசிர மெண்டிஸ் ஆகியோர் காவல்துறை திணைக்களத்தின் ஊடாக நியமிக்கப்பட்டவர்கள், எனது கையொப்பத்தால் நியமிக்கப்படுவதில்லை. ஹேமசிறி பெர்னாண்டோ நேரடியாக நியமிக்கப்படுகிறார். அப்படி இல்லாவிட்டால் இந்த வழக்கில் இருந்து நான் விடுவிக்கப்பட்டிருப்பேன்..” என்றார்.
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
