ஈழத்து கலைஞர்களின் படைப்பில் உருவான பறவாதி திரைப்படம்
ஈழத்து கலைஞர்களின் படைப்பில் உருவான பறவாதி திரைப்படத்தின் முதல் காட்சி எதிர்வரும் 26ஆம் திகதி பிரான்சில் திரையிடப்படவுள்ளது.
பறவாதி திரைப்படமானது பாரிஸில் இயங்கி வரும் dimond house நிறுவனர் ரீகன் & உமா தயாரிப்பில் இயக்குனர் அஜந்தனின் இயக்கத்தில் உருவாகியிருக்கும் முழு நீள திரைப்படம் ஆகும்.
இந்த திரைப்படமானது இலங்கை தேசத்தின் கிழக்குப் பகுதியான மட்டக்களப்பு, திருகோணமலை எல்லை பகுதியை கதைக்களமாக கொண்டு உருவாக்கப்பட்டது.
முன்னோட்ட அறிமுக விழா
அன்றாட வாழ்வாதாரத்துக்கு வீதியோரங்களில் நின்று பழம் விற்கும் சிறுபிள்ளை தொழிற்சார் சமூகம் எதிர்கொள்ளும் பிரச்சினைகளையும் அப் பிரச்சனைகளை எதிர்கொண்டு தீர்வுகளை தேட முற்படுவதே இத்திரைப்படத்தின் சாராம்சம் ஆகும் .
இந்த திரைப்படத்தின் சிறப்பம்சமாக அச்சமுகத்தில் வாழும் பிள்ளைகளே நடிகர் நடிகைகளாக மாறி திரையிலும் வாழ்ந்து இருக்கின்றனர்.
அண்மையில் யாழ்ப்பாணத்தில் நடைபெற்ற கருடன் தயாரிப்பு நிறுவனத்தின் முன்னோட்ட அறிமுக விழாவில் அச்சமுக மக்கள் வருகை தந்து சிறப்பித்ததோடு இவ்விழாவில் சிறப்பு விருந்தினராக கலந்து கொண்ட ரீச்சா நிறுவனத்தின் ஸ்தாபகர் பாஸ்கரன் கந்தையா அந்த கிராம மக்களுக்கு நன்கொடை வழங்கினார்.
முதல்காட்சி
மேலும் பல கல்விமான்கள் மற்றும் செயற்பாட்டாளர்கள் கலைஞர் என பலதரப்பட்டவர்களாலும் பாராட்டை பெற்ற பறவாதி திரைப்படமானது எதிர்வரும் 26 ஆம் திகதி ஞாயிறு பிரான்சில் அமைத்துள்ள megarama (44 Avenue de la Longue Bertrane, 92390 Villeneuve la Garenne - RER -C -Bus-137 - 166 - 177 - 178 - 261Tram- T1)எனும் இடத்தில் 900 இருக்கைகள் கொண்ட திரையரங்கில் முதல்காட்சி காண்பிக்கப்படவுள்ளது.
அந்தவகையில் ஈழத்தமிழர்களின் திரைத்துறை வளர்ச்சிக்கு ஆதரவு தருமாறு திரைப்பட கலைஞர்கள் வேண்டுகோள் விடுத்துள்ளனர்.
இந்த திரைப்படத்தின் அறிமுக விழாவும் பழங்குடி மக்களின் வாழ்வியல் சார்ந்த ‘பறவாதி’ முழு நீள திரைப்படங்களின் முன்னோட்ட காட்சிகளின் வெளியீட்டு விழாவும் யாழ் நகரில் கார்கில்ஸ் ரீகல் சினிமாவில் சான்றோர்களின் பேராதரவுடன் சிறப்பாக நடைபெற்றமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
