சவுதி விமான நிலையத்தை உலுக்கிய ஹவுதிகள் :பங்கர்களில் தஞ்சமடைந்த சவூதி இளவரசர்..!

Saudi Arabia Yemen World

By Jaso Oct 13, 2026 06:05 PM GMT

Jaso

in உலகம்

Report

ஹவுதி கிளர்ச்சியாளர்கள் நடத்திய கொடூர ஏவுகணைத் தாக்குதல்களுக்கு பிறகு, சவூதி அரேபியாவின் பட்டத்து இளவரசர் முகமது பின் சல்மான் பொதுவெளியில் தோன்றவில்லை.

அவர் நிலத்தடி பங்கர்கள் கொண்ட பலத்த பாதுகாப்பு வசதி கொண்ட இரகசிய அரண்மனைகளுக்கு மாற்றப்பட்டுள்ளதாக தி வால் ஜர்னல் செய்தி வெளியிட்டுள்ளது.

41 வயதான பட்டத்து இளவரசரின் பாதுகாப்பை உறுதி செய்யும் பொருட்டு, சிறப்பு பாதுகாப்புப் படையினர் மூலம் அவர் நிலத்தடி பங்கர்கள் உள்ள பல்வேறு அரண்மனைகளுக்கு அடுத்தடுத்து மாற்றப்பட்டு வருகிறார்

பொது வெளியில் நிகழ்ச்சிகளில் பங்கேற்காத இளவரசர்

கடந்த செவ்வாய்க்கிழமை நாட்டின் இரத்த தானப் பிரசாரத்தின் போது இரத்த தானம் செய்ததற்கு பிறகு இளவரசர் முகமது பின் சல்மான் பொது நிகழ்ச்சிகள் எதிலும் நேரடியாகப் பங்கேற்கவில்லை.

சவுதி விமான நிலையத்தை உலுக்கிய ஹவுதிகள் :பங்கர்களில் தஞ்சமடைந்த சவூதி இளவரசர்..! | Saudi Crown Prince Moved To Bunkers Houthi Attacks

சவூதி தலைநகரில் உள்ள கிங் காலித் சர்வதேச விமான நிலையத்தின் மீது 5 நாட்களில் நடத்தப்பட்ட 4 தாக்குதல்களில் 13 பேர் பலியாயினர் மற்றும் 300-க்கும் மேற்பட்டோர் படுகாயமடைந்தனர்.

பலியானவர்களில் எகிப்து நாட்டை சேர்ந்த 28 வயது பெண் விமானப் பணிப்பெண்ணும் அடங்குவார். தொடர் தாக்குதல்கள் காரணமாக ரியாத் சர்வதேச விமான நிலையம் தற்காலிகமாக மூடப்பட்டுள்ளது.