பெறுமதி சேர் வரி திருத்தச் சட்டமூல வாக்கெடுப்பு : எதிர்ப்பு தெரிவித்துள்ள அரசியல் கட்சி!
சிறிலங்கா நாடாளுமன்றில் நாளை வாக்கெடுப்பு நடத்தப்படவுள்ள பெறுமதி சேர் வரி திருத்தச் சட்டமூலத்துக்கு எதிராக வாக்களிக்க சுதந்திர கட்சி தீர்மானித்துள்ளது.
கட்சியின் பிரசார செயலாளர் திசர குணசிங்க வெளியிட்டுள்ள அறிக்கையிலேயே, இந்த விடயம் குறிப்பிடப்பட்டுள்ளது.
பெறுமதி சேர் வரி திருத்தச் சட்டமூலம் மற்றும் நிதிச் சட்டமூலத்தின் இரண்டாம் வாசிப்பு மீதான விவாதம் இன்றைய தினம் காலை 9.30 மணியளவில் ஆரம்பமாகியிருந்தது.
ஒத்திவைக்கப்பட்ட நாடாளுமன்றம்
எனினும், கோரம் காரணமாக இன்றைய நாடாளுமன்ற அமர்வு நாளைய தினத்துக்கு ஒத்திவைக்கப்பட்டது.
இந்த நிலையில், குறித்த சட்டமூலங்கள் மீது நாடாளுமன்ற உறுப்பினர்கள் அதிக கவனம் செலுத்தவில்லை என சமூக ஆர்வாலர்கள் கருத்து வெளியிட்டிருந்தனர்.
இந்த பின்னணியில், நாளை நாடாளுமன்றத்தில் சமர்பபிக்கப்படவுள்ள பெறுமதி சேர் வரி திருத்தச் சட்டமூலத்திற்கு எதிராக வாக்களிப்பது சிறிலங்கா சுதந்திரக் கட்சியின் நிலைப்பாடு என தெரிவிக்கப்பட்டுள்ளது.
இதேவேளை, குறித்த சட்டமூலத்தக்கு எதிராக அல்லது ஆதரவாக வாக்களிப்பது தொடர்பில் ஏனைய அரசியல் கட்சிகள் இதுவரை எந்தவொரு கருத்தும் தெரிவிக்கவில்லை என்பது குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
