ஜெனிவா அமர்விற்கு முன் இராஜதந்திரிகளை சந்திக்கும் சிறிலங்கா அரசாங்கம்
ஐக்கிய நாடுகள் மனித உரிமைகள் பேரவையின் 54 ஆவது கூட்டத்தொடருக்கு முன்பதாக நாட்டில் செயற்படும் இராஜதந்திரிகளிடத்தில் இலங்கையின் முன்னேற்றகரமான செயற்பாடுகள் தொடர்பில் எடுத்துரைக்கப்படுவதாக வெளிவிவகார அமைச்சர் அலி சப்ரி தெரிவித்துள்ளார்.
எதிர்வரும் செப்டம்பர் மாதம் 11 ஆம் திகதி ஆரம்பமாகி, ஒக்டோபர் மாதம் 13 ஆம் திகதி வரை நடைபெறும் ஜெனிவா மனித உரிமை பேரவை அமர்வில் சிறிலங்கா அரசாங்கம் சார்பாக விசேட தூதுக்குழு எதுவும் பங்கேற்காது எனவும் அவர் கூறியுள்ளார்.
எழுத்துமூல அறிக்கை
ஐ.நா மனித உரிமைகள் கூட்டத் தொடரில் இலங்கை தொடர்பாக ஐக்கிய நாடுகள் பேரவையின் உயர்ஸ்தானிகர் வோல்கர் ட்ரக்கினால் எழுத்துமூல அறிக்கை சமர்ப்பிக்கப்படவுள்ளது.
இலங்கை தொடர்பாக பேரவையில் நிறைவேற்றப்பட்ட 51 கீழ் 1 தீர்மானத்தின் உள்ளடக்கங்களின் நடைமுறைப்படுத்தல் தொடர்பான அடைவு மட்டம் குறித்த மதிப்பீடும் முன்வைக்கப்படவுள்ளது.
இலங்கை சார்பான பதில்
இந்த அமர்வு தொடர்பான விடயங்களை ஐ.நாவுக்கான நிரந்தர வதிவிடப் பிரதிநிதி ஹிமாலி சுபாஷினி அருணாதிலக தலைமையேற்று முன்னெடுக்கவுள்ளார் என வெளிவிவகார அமைச்சர் தெரிவித்துள்ளார்.
இந்த அமர்வில் இலங்கை சார்பான பதில்களை அவர் வழங்கவுள்ளார் என்பதுடன், உள்நாட்டில் சிறிலங்கா அரசாங்கம் எட்டியுள்ள முன்னேற்றங்கள் தொடர்பாக தெளிவுபடுத்தப்படவுள்ளதாகவும் அலி ஷப்ரி கூறியுள்ளார்.
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
