ஈரான் விவகாரத்தில் முக்கிய முன்னேற்றம்! ட்ரம்ப் வெளியிட்ட அறிவிப்பு

Donald Trump Middle East World Iran-US Conflict

By Dilakshan Apr 17, 2026 02:34 AM GMT

Dilakshan

in உலகம்

Report

ஈரான் விவகாரத்தில் அடுத்த சில நாட்களில் மிக முக்கியமான முன்னேற்றங்கள் ஏற்படக்கூடும் என அமெரிக்க ஜனாதிபதி டொனல்ட் ட்ரம்ப் தெரிவித்துள்ளார்.

லாஸ் வேகாஸில் நடைபெற்ற “டிப்ஸ்களுக்கு வரி இல்லை” (No Tax on Tips) என்ற தலைப்பிலான கலந்துரையாடல் நிகழ்வில் பேசிய போது ட்ரம்ப் இதனை கூறியுள்ளார்.

பெட்ரோல் விலை மற்றும் சர்வதேச மோதல்கள் குறித்துப் பேசுகையில், அடுத்த ஒரு வாரம் அல்லது அதற்கு மேற்பட்ட காலத்திற்குள் என்ன நடக்கிறது என்பதைப் பொறுத்திருந்து பாருங்கள் என்று அவர் பொதுமக்களுக்கு தெரிவித்துள்ளார்.

ஆச்சரியப்படுத்தும் மாற்றங்கள்

இதேவேளை, இந்த விவகாரத்தில் ஏற்படப்போகும் மாற்றங்கள் ஆச்சரியப்படுத்தும் வகையில் இருக்கலாம் என்று குறிப்பிட்ட அவர், அவ்வாறு ஒரு சாதகமான சூழல் ஏற்பட்டால் வரவிருக்கும் இடைத்தேர்தலில் குடியரசுக் கட்சியினருக்கு வாக்களிக்குமாறும் அமெரிக்க மக்களை அவர் கேட்டுக் கொண்டார்.

ஈரான் விவகாரத்தில் முக்கிய முன்னேற்றம்! ட்ரம்ப் வெளியிட்ட அறிவிப்பு | Trump S Important Developments On Iran Issue

Image Credit: PBS

அதன்படி, போரைப் பொறுத்தவரை மிக விரைவில் வெற்றி கிட்டும் என்றும் ட்ரம்ப் நம்பிக்கை வெளியிட்டுள்ளார்.

ஈரானுடனான உடன்படிக்கை

இதேவேளை, முன்னதாக வெள்ளை மாளிகையிலிருந்து கிளம்பும் போது செய்தியாளர்களிடம் பேசிய ஜனாதிபதி ட்ரம்ப், ஈரானுடன் ஒரு உடன்படிக்கையை எட்டுவதில் தாம் மிகவும் நேர்மறையான எண்ணத்துடன் இருப்பதாக தெரிவித்திருந்தார்.