இலங்கையிலிருந்து விடைபெற்றுச் செல்லும் கோபால் பாக்லே : வெளியானது விசேட அறிக்கை

இலங்கைக்கான இந்திய உயர்ஸ்தானிகராக பதவி வகித்த கோபால் பாக்லேவின் பதவிக்காலம் 2023 டிசம்பர் 15ஆம் திகதி நிறைவடைந்துள்ள நிலையில், அவுஸ்ரேலியாவுக்கான இந்திய உயர்ஸ்தானிகராக அவர் நியமனம் பெற்றுச் செல்வதாக கொழும்பிலுள்ள இந்திய உயர் ஸ்தானிகராலயம் அறிவித்துள்ளது.

இது தொடர்பாக இந்திய உயர்ஸ்தானிகராலயம் வெளியிட்டுள்ள விசேட அறிக்கையிலேயே இவ்விடயம் தெரிவிக்கப்பட்டுள்ளது.

இந்திய - இலங்கை உறவு

குறித்த அறிக்கையில் மேலும் தெரிவிக்கப்பட்டுள்ள விடயங்களாக, ”2020 மே மாதம் உயர்ஸ்தானிகர் கோபால் பாக்லே தனது கடமைகளைப் பொறுப்பேற்றதுடன் இந்தியாவின் உயர் மட்ட இராஜதந்திரியாக அவர் பதவி வகித்த காலப்பகுதி இருதரப்பு பங்குடமையில் ஒப்பிட முடியாத பல மைல்கற்களை கண்டிருந்தது.

காரைநகர் கடற்பரப்பில் 14 இந்திய மீனவர்கள் கைது

இந்திய இலங்கை உறவுகளில் பல்வேறு உயர் சாதனைகளை எட்டுவதிலும் அவர் மிகமுக்கியமான வகிபாகத்தைக் கொண்டிருந்தார்.

அவரது பதவிக் காலத்தின் போது 2022 இல் இலங்கை பொருளாதார ரீதியான சவால்களை எதிர்கொண்டிருந்த நிலையில் நான்கு பில்லியன் அமெரிக்க டொலர் பெறுமதியான பன்முக உதவி வழங்கப்பட்டிருந்தமை குறிப்பிடத்தக்க முக்கிய அம்சமாகும்.

ரொறன்ரோவில் வாடகையில் ஏற்பட்டுள்ள மாற்றம்

இலங்கைக்கான மனிதாபிமான உதவி

மேலும் கொவிட் 19 தொற்றுநோய்க் காலப்பகுதியில் இலங்கைக்கான மனிதாபிமான உதவிப் பொருட்களின் விநியோகத்தினை துரிதப்படுத்துவதற்காக இந்திய கடற்படை மற்றும் விமானப்படை கலங்கள் பணிக்கமர்த்தப்பட்டிருந்தமையும் குறிப்பிடத்தக்கது.” எனக் குறித்த அறிக்கையில் மேலும் தெரிவிக்கப்பட்டுள்ளது.

இந்நிலையில், ஐரோப்பிய ஒன்றியம், பெல்ஜியம் மற்றும் லக்சம்பேர்க் ஆகியவற்றுக்கான இந்திய தூதுவராக தற்போது கடமையாற்றி வரும் திரு சந்தோஷ் ஜா இலங்கைக்கான புதிய இந்திய உயர்ஸ்தானிகராக கடமையேற்கவுள்ளமை குறிப்பிடத்தக்கதாகும்.

காவல்துறைமா அதிபரின் சேவைக்காலம் தொடர்பில் வெளியான தகவல்